રસ્તે ચાલતા રાહદારીઓ માટેના સુચનો :

• રસ્તાની જમણી બાજુ કે ફુટપાથ ઉપર જ ચાલવુ.
• રસ્તા ઉપર ચાલવુ પડે તો બને તેટલા રસ્તાની છેડે ચાલો અને આ વખતે બે થી વધારે
  વ્યકિતઓએ સાથે ન ચાલવુ.
• પગે ચાલતા લોકોએ રસ્તો ક્રોસ કરવા પેડેસ્ટેરીયન ક્રોસીંગ / જીબ્રા ક્રોસીંગ પાટા પર ઝડપથી ચાલી રસ્‍તો ક્રોસ કરવો જોઈએ.
• રસ્‍તો વળાંક લેતો હોય ત્યારે ખાસ રસ્તાની ધારે રહી ચાલવું.
• રસ્તા પર ચાલતી વખતે બાળક સાથે હોય તો તેને રસ્તાની છેડે રાખવો, બાળકને મુકત ન રાખતા હાથેથી પકડીને ચાલવુ.
• રસ્‍તો ઓળંગતા પહેલાં રસ્તાની બાજુ ઉભા રહી ડાબી, જમણી બાજુ જુઓ અને રસ્‍તો ખાલી દેખાય ત્યારપછી જડપથી ચાલો પરંતુ દોડશો નહી.
• રસ્તામાં વાહનો ઉભા હોય તેવા વાહનની આગળ કે વચ્ચેથી બેદરકારીથી રસ્‍તો ઓળંગવો શરૂ ન કરવો.
• જયારે વાહન આવતુ હોય ત્યારે તેની સ્પીડ માટે અનુમાન કરી રસ્તા ઓળંગવાને બદલે વાહન પસાર થાય ત્યાં સુધી ધીરજ રાખી બાદમાં રસ્તા ઓળંગવો.
• રસ્તાના ડીવાઈડર વચ્ચે તૈયાર કરેલા પ્લાન્ટર્સ વચ્ચેથી કયારેય રોડ ક્રોસ ન કરવો.
• રોડ પર પદયાત્રા,જાન/વરઘોડો,રેલી સ્મશાન યાત્રા વિગેરે પ્રસંગે ચળકતા કપડાવાળા સ્વયંસેવકો રાખો.
• રાત્રીના સમયે રસ્‍તો ઓળંગવા ખુબ જ કાળજી રાખવી
• રસ્તા અને ફુટપાથ ઉપર જાળી કે રેલીંગ હોય તો કુદીને રસ્‍તો ન ઓળંગવો.
• હાઈવે પર સંધમાં ધામિર્ક હેતુસર જતાં પદયાત્રીકોએ રોડના સાઈડ સોલ્ડર પર જ ચાલવું, રાત્રી દરમ્યાનની મુસાફરીમાં શકય હોય ત્યાં સુધી શ્વેત વસ્ત્રો પહેરવા,હાથમાં ટોર્ચ અને રીફલેટર્સ લગાડેલ નાની સોટી રાખવી તેમજ સફેદ ચળકાટ વાળા વસ્ત્રો પહેરવા.
• સંધમાં રોડ પર ટોળા સ્વરૂપે મુસાફરી ન કરતાં વધુમાં વધુ બેની લાઈનમાં રહી રોડની સાઈડમાં એકબીજાની આગળ પાછળ ચાલવું અને અકસ્માત નિવારવા સ્વયં સેવકો પણ રાખવા.
• નાના બાળકોએ રોડ ઉપર દોડાદોડી કે રમતો રમવી નહી. રોડ પર જતાં વાહન પાછળ દોડવું નહી.
• ફેરીયા આવે ત્યારે તેની આસપાસ રોડ ઉપર ટોળે વળવું નહી.
• પતંગ લૂંટવા માટે પણ રોડ ઉપર દોડવું નહી.
• રોડ ઉપરના રહેઠાણવાળા વાલીઓએ બાળકો ઉપર સતત નજર અને નિયંત્રણ રાખવું.  તેમજ સતત વાહન વ્‍યવહાર વાળા રોડ ઉપર બાળકોને જવા દેવા નહી.